Тбилиси полицияси тезкор-қидирув тадбирлари натижасида 26 ёшли Ўзбекистон фуқаросини бировнинг компьютер тизимига рухсатсиз кириш ва пул маблағларини ўғирлаш айби билан ҳибсга олди, деб хабар бермоқда Грузия Ички ишлар вазирлиги.
Тергов жараёнида аниқланишича, 28 июнь куни айбланувчи Аджарабет онлайн-казиносидаги ва лотереясидаги фуқаролардан бирининг ҳисоб рақамига рухсатсиз кириш ҳуқуқини қўлга киритган ва жабрланувчининг ҳисоб рақамидан ноқонуний равишда 9 190 лари (2 960 АҚШ доллари) миқдоридаги пулни пластик картасига ўтказган. Шундан сўнг у пулни нақд қилиб ўзлаштирган.
Айби тасдиқланган тақдирда, Ўзбекистон фуқароси 2 йилдан 5 йилгача озодликдан маҳрум қилиниши мумкин.
https://youtu.be/2LItoQRQLJg
Аввлроқ Ўзбекистон фуқароси хакерлик қилгани учун АҚШ санкцияси остига тушгани ҳақида хабар берилганди.
Мавзуга доир:
- Хакасияда мигрантлар орасида террорчиликни тарғиб қилган ўзбекистонлик қўлга олинди
- Киевда банк бўлимини портлатиш билан таҳдид қилган ўзбекистонлик қўлга олинди (видео)
- Ўзбекистонда 2 мингдан ортиқ фуқароларнинг 1,7 млн долларини қўлга киритган крипто-фирибгар мамлакатдан чиқиб кетгани маълум бўлди
Изоҳ (0)