«Бунёдкор» бош мураббийи Вадим Абрамов Coca-Cola Суперлига 14-туридан ўрин олган «Сурхон»га қарши ўйиндан (2:1) кейин ўз фикрлари билан ўртоқлашди.
Бу ўйинни осон ютишимиз керакдек эди. Бироқ ўзимизга муаммолар пайдо қилдик ва учрашув охири бироз асабий бўлди. Умуман олганда, ўйинда ғалабага муносиб ҳаракат қилдик.«Бунёдкор» 14-турдан сўнг 26 очко билан 3-ўринда бормоқда. Жамоа кейинги турда «Машъал» билан ўйнайди.Мен ҳозиргача янги раҳбарият билан учрашганим йўқ. Футболчилар билан ҳам ҳеч ким учрашгани йўқ. Муаммолар жуда кўп. Аммо, афсуски, улар ҳал бўлмаяпти. Йигитлар шу муаммоларга қарамай майдонга тушиб ўйнамоқда. Умид қиламизки, барчаси яхши бўлади.
Пенальтини нега Нуриев тепди? Шунчаки захирадан майдонга тушган ҳужумчи ўзи ишлаган пенальтини тепишини ўзим хоҳладим. Учрашув охири бўлгани учун шундай қарорга келдим. Афсуски, у гол ура олмади, аслида бу ўйинда мен жуда ёмон ишладим.
Муаммолар қандайдир ҳал қилинади деб умида қиламан. Мен ўзимдан кўра йигитлар учун кўпроқ ташвишдаман. «Бунёдкор» клуби ўзбек футболига ҳали кўп фойда келтиради ва бундай муносабатга лойиқ эмас.
Вадим Абрамов, «Бунёдкор» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)