«Металлург» бош мураббийи Андрей Шипилов Coca-Cola Суперлига доирасида ОКМКга қарши кечган ўйиндаги (1:0) ғалабадан кейин ўз фикрлари билан ўртоқлашди.
Ажойиб стадионда мана шундай тўқнашув бўлишини кутгандик. Ҳар икки жамоа кескин курашларга бой ўйин кўрсатди.Мазкур ғалабадан кейин бекободликларнинг очколари 25 тага етди ва жамоа 6-ўринда бормоқда. «Металлург» кейинги турни «Локомотив»га қарши ўтказади.ОКМК чемпионат етакчиларидан бири ва бунга ҳақли ўринда бормоқда. Биз ўз вазиятларимиздан бирини голга айлантира олдик. Дарҳақиқат, ОКМКда ҳам етарлича яхши вазиятлар бўлди.
Бу ғалабамизни марҳум президентимизга (марҳум Сергей Вюненко — изоҳ «Дарё») бағишлаймиз. Айни пайтда шифохонада бўлиб турган жамоамиз маъмури Равшанга соғлиқ тилаймиз. Фурсатдан фойдаланиб, клубимизнинг фидойи шифокорларига ҳам раҳмат деймиз.
Шаҳзод Убайдуллаев ва Дониёр Нарзуллаев нега биринчи бўлимда майдонга тушмади? Шаҳзод ва Дониёр 16 тур тўлиқ ўйнади. Дониёр Олмалиқда ўйнамаганди, Шаҳзод эса деярли ҳамма ўйинда тўлиқ қатнашди. Уни авайлашимиз керак, чунки унинг кичик жароҳати бор эди.
«Металлург» кучли учликка кира оладими? Ҳали олдинда 9-10 тур бор. Келинг, 20 декабргача етиб борайлик. Биз бу учун қўлимиздан келганича ҳаракат қиламиз ва бу йўлда астойдил меҳнат қиламиз.
Андрей Шипилов, «Металлург» бош мураббийи
Эслатиб ўтамиз, «Ўзметкомбинат» бошқаруви раиси, «Металлург» клуби президенти Сергей Вюненко 8 сентябрь куни коронавирус асоратлари натижасида вафот этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)