Европа майдонларида 12 сентябрь, шанба куни бир қатор ўртоқлик учрашувлари ўтказилди.
«Барселона» жамоаси «Химнастик Таррагона»га қарши баҳс юритди. Учрашувнинг 6-дақиқасида Усмон Дембеле ҳисобни очган бўлса, 17-дақиқада Антуан Гризманн пенальтини муваффақиятли амалга оширган ҳолда иккинчи голни урди. 31-дақиқада меҳмонлар Хави Бонилянинг голидан кейин ҳисобни қисқартирди.
Иккинчи бўлим дебютида Филиппе Коутиньо пенальтидан тўп киритган ҳолда якуний ҳисобни ўрнатди.
«Барселона»нинг Ла Лига 1-туридаги учрашуви жамоанинг Чемпионлар Лигасидаги иштироки сабаб қолдирилган.
Яна бир назорат баҳси «Милан» ва «Брешия» жамоалари ўртасида кечди. Франк Кессиэ, Лоренцо Коломбо ва Самюэль Кастильехонинг голларига меҳмонлар Андреа Гецсининг киритган тўпи билан жавоб қайтарди.
«Милан» 2020/21 йилги мавсумни 17 сентябрь куни Европа Лигаси доирасида «Шемрок Роверс»га қарши ўйин билан бошлайди.
Ўртоқлик учрашувлари
12 сентябрь, шанба
«Барселона» — «Химнастик Таррагона» 3:1
Голлар: 1:0 – 6 Дембеле, 2:0 – 17, пенальти Гризманн, 2:1 – 31 Бониля, 3:1 – 51, пенальти Коутиньо.«Барселона»: Нето (Пеня, 46), Пике (Араухо, 46), Лангле (де Йонг, 46), Альба (Фирпо, 46), Серхи Роберто (Семеду, 46), Аленья (Пуч, 46), Бускетс (Конрад, 46), Дембеле (Куэнка, 46), Педри (Тринкау, 46), Месси (Брэйтуэйт, 46), Гризманн (Коутиньо, 46).
«Химнастик Таррагона»: Вилфред (Гонсалес, 46), Ориол (Гиу, 76), Руэда (Миранда, 76), Альбарран, Тенса (Фран Карбиа, 60), Бониля (Прац, 87), Триллес, Бруги (Грифел, 60), Рибелес (Прадҳомм, 76), Олива (Лассо, 60), Аман (Баллестерос, 60).
Огоҳлантиришлар: Бруги (13), Бускетс (21), Бониля (36).
«Милан» — «Брешия» 3:1
Голлар: 1:0 – 40 Кессиэ, 2:0 – 49 Коломбо, 3:0 – 61 Кастильехо, 3:1 – 74 Гецси.«Милан»: Доннарумма (Тетерушану, 62), Кер, Тео (Лаксалт, 83), Калабрия (Калулу, 83), Габбия, Кастильехо (Крунич, 62), Салемакерс (Браҳим Диас, 62), Беннасер, Кессиэ, Чалхонўғлу (Лукас Пакета, 83), Коломбо (Мальдини, 62).
«Брешия»: Андреначчи, Мартелла, Сабелли (Семприни, 52), Папетти, Мангравити (Матею, 52), Морозини, Бьярнасон (Вивиани, 50), Змргал, Дессена, Шпалек (Гецси, 50), Ае.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)