ОКМК бош мураббийи Миржалол Қосимов Coca-Cola Суперлига 14-тури доирасида «Металлург»га қарши кечган ўйиндаги мағлубиятдан (0:1) кейин ўз фикрлари билан ўртоқлашди.
Дербига хос қизиқарли ўйин бўлди. Омад «Металлург»га кулиб боқди. Чунки биринчи бўлимда ҳам, гол ўтказгандан кейин ҳам кўплаб имкониятлар бўлди. Лекин гол бир бўлмаса қийин экан. Жамоамнинг ҳаракатидан уяладиган жойим йўқ. Уларнинг кўрсатган ўйинидан хурсандман. Улар баҳс сўнгига қадар курашди. Футболда ғалаба билан мағлубият доим ёнма-ён юради. Кийиниш хонасида ҳам йигитларга бугунги футбол учун миннатдорчилик билдириб қўйдим. Чунки улар уяладиган ўйин қилгани йўқ. Футболда ёзилмаган қоида бор: сен урмасанг, сенга уришади. Кейинги ўйинларга тайёргарлик кўрамиз.Мавсумдаги илк мағлубиятини қабул қилиб олган ОКМК 14-турдан кейин 29 очко билан 2-ўринда бормоқда. Жамоа кейинги турда «Сўғдиёна» билан ўйнайди.Суҳроб Султонов ва Сайдулло Раҳматов коронавирус чиққани туфайли бу ўйинда нафақат майдонда, балки қайдномадан ҳам ўрин олмади. Улар изоляция қилинган. ОКМКда ярим жамоадан кўпроғи мазкур касалликдан ўтиб бўлди.
Ҳужумчиларнинг самарадорлиги пастлиги? Учта ҳужумчига тўртта гол? Бу, албатта, кам. Биз имкон қадар учала ҳужумчимиз хизматидан фойдаланяпмиз. Бу баҳсда ҳам уларда гол уриш учун имконият пайдо бўлганди. Ишлаяпмиз.
Ҳожимат Эркиновнинг кетиши? Бизда Ҳожимат Эркинов ижарада асосида ўйнарди. «Пахтакор» клуби уни ортга қайтарди. Унинг йўқлиги жамоамиз ўйинига катта таъсир қилди, демаган бўлардим. Албатта, бизда яхши ўйнаб, кўпроқ ўйин амалиётига эга бўлди. Иқтидорли футболчи. «Пахтакор» Осиё Чемпионлар Лигаси учун Эркиновни ортга қайтарди. Шу фурсатдан фойдаланиб, «Пахтакор»га ва Ҳожимат Эркиновга рестарт оладиган ОЧЛда омад тилайман.
Миржалол Қосимов, ОКМК бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)