«Ливерпуль» Англия Премьер Лигасининг биринчи турида «Лидс»ни мағлубиятга учратди (4:3).
Шу тариқа Мерсисайд клубининг «Энфилд»даги мағлубиятсиз серияси (Премьер Лига доирасида) 60 та ўйинга етди. Жамоа 2017 йилнинг апрель ойидан бери ўз майдонида ютқазмаяпти.
«Ливерпуль» ўтказилган 60 та уй учрашувининг 49 тасида ғалаба қозонган, 11 тасида эса муроса йўлини танлаган.
Маълумот ўрнида, Юрген Клопп бошқарувидаги жамоа ўттиз йиллик танаффусдан кейин 2019/20 йилги мавсумда мусобақа ғолиблигини қўлга киритганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)