Хоразм вилоятининг Урганч шаҳрида 28 грамм гиёҳвандлик воситасини 12 миллион сўмга сотган 50 ёшли аёлга жиноят иши қўзғатилди. Бу ҳақда ИИВ ҳузуридаги Тергов департаменти хабар берди.
7 сентябрь куни соат 22:50 да вилоят божхона бошқармаси, ИИБ ва ДХХ ҳодимлари билан ҳамкорликда ўтказилган тезкор тадбир давомида Урганч шаҳар 4-даҳада яшовчи 50 ёшли аёл Ф.О. яшаш хонадонида икки бўлак полиэтилен пакет бўлагига ўралган соф оғирлиги 28,49 грамм бўлган «опий» гиёҳвандлик воситасини қонунга хилоф равишда 12 миллион сўмга сотган вақтида ушланган. Гиёҳвандлик воситаси ва пуллар ашёвий далил тариқасида расмийлаштириб олинган.
Шунингдек, Ф.О.нинг яшаш уйи холислар иштирокида кўздан кечирилганда хонадонда бир дона полиэтилен пакет бўлакчасига ўралган соф оғирлиги 2,94 грамм бўлган «опий»ни сотиш мақсадида сақлаб келаётганлиги аниқланган ва процессуал тартибда ҳужжатлаштириб олинган.
Ҳолат юзасидан Хоразм вилояти божхона бошқармаси томонидан Ф.О.га нисбатан Жиноят кодексининг 273-моддаси 5-қисми (гиёҳвандлик воситаларини кўп миқдорда қонунга хилоф равишда сотиш) билан жиноят иши қўзғатилиб, Урганч шаҳри бўйича ИИО ФМБ ҳузуридаги Тергов бўлимига юборилган.
Аёл айбланувчи тариқасида жалб қилиниб, унга нисбатан қамоққа олиш тарзидаги эҳтиёт чораси қўлланилган. Тергов ҳаракатлари давом этирилмоқда.
Мавзуга доир:
- Навоийда гиёҳванд моддани Қуръон китоби ичига солиб сотмоқчи бўлган мулла қўлга тушди
- Наманганда ЙПХ постидан ярим килога яқин гашиш гиёҳванд моддасини олиб ўтмоқчи бўлган шахс ушланди
- Самарқандда героин гиёвҳандлик моддасини сотаётган 65 ёшли шахс қўлга олинди
- Тошкентдаги «Фарҳод» деҳқон бозори ҳудудидан 150 гр опий гиёҳвандлик воситасини 19,5 млн сўмга сотиб олган шахс ушланди
Изоҳ (0)