Bugun,

  • USD 11095.31
  • RUB 173.84
  • EUR 10772.44

Namangan viloyati Namangan shahrida joylashgan YPX nazorat maskanidan gashish giyohvand moddasini olib o‘tmoqchi bo‘lgan shaxs qo‘lga olindi, deya xabar beradi Tergov departamenti.

Foto: Tergov departamenti

Foto: Tergov departamenti

Qayd etilishicha, 2020-yilning 12-avgust kuni soat 21:00 da Namangan shahrida joylashgan “Angor” YPX nazorat maskanida Namangan—Pop yo‘nalishi bo‘yicha harakatlanib ketayotgan fuqaro A.K.ga tegishli bo‘lgan Nexia rusumli avtomashina to‘xtatilib, xolislar ishtirokida ko‘zdan kechirilgan.

Tekshiruv davomida yo‘lovchi sifatida kelayotgan 39 yoshli T.T.ning o‘rindig‘i tagidan, qora rangli polietilen paket parchasiga o‘ralgan, jigarrang, o‘tkir hidli, sof og‘irligi 482,62 gramm gashish giyohvandlik moddasi borligi aniqlanib, tegishli tartibda rasmiylashtirib olingan.

Foto: Tergov departamenti

Foto: Tergov departamenti

Holat yuzasidan Namangan shahri bo‘yicha IIO FMB huzuridagi Tergov bo‘limi tomonidan Jinoyat kodeksining 25, 273-moddasi 5-qismi (giyohvandlik vositalari, ularning analoglari yoki psixotrop moddalarni ko‘p miqdorda qonunga xilof ravishda sotishga suiqasd) bilan jinoyat ishi qo‘zg‘atilgan.

Dastlabki tergov jarayonida T.T. mazkur giyohvandlik vositasini 2 million so‘m haq evaziga Yangiqo‘rg‘on tuman markazida A. ismli shaxsdan Pop shahri markazida kutib turgan o‘ziga notanish bo‘lgan shaxsga yetkazib berish uchun olib ketayotganligini bildirgan.

Foto: Tergov departamenti

Foto: Tergov departamenti

Jinoyat ishi bo‘yicha T.T. ayblanuvchi tariqasida jalb qilinib, unga nisbatan qamoqqa olish tarzidagi ehtiyot chorasi qo‘llanilgan. Dastlabki tergov harakatlari davom etmoqda, mazkur jinoyatga aloqador bo‘lgan shaxslarni aniqlash choralari ko‘rilishi ma’lum qilingan.

Izoh
Asosiy yangiliklar
Mahalliy
Xitoy Farg‘onada biochiqindilardan energiya olish bo‘yicha loyihani amalga oshirishi mumkin
Mahalliy
Qashqadaryoda tuman hokimi ro‘zadorlarni suv ichishga majburlagani aytilmoqda 
Mahalliy
“O‘zgidromet” kelayotgan hafta boshida qanday ob-havo bo‘lishini ma’lum qildi