Ўзбекистон Сенати раиси Танзила Норбоева 11 сентябрь куни бўлиб ўтган еттинчи ялпи мажлисда илмий ташкилотлар ўртасида рақобат муҳитини ривожлантириш зарурлигини таъкидлади. Бу ҳақда Сенат матбуот хизмати хабар берди.
Сўнгги йилларда илм-фан соҳасининг ривожига алоҳида эътибор қаратилиб, давлат сиёсати даражасига кўтарилди. Йиллар давомида соҳада тўпланиб қолган ва ўз ечимини кутаётган масалалар ўз ечимини топмоқда.Аввалроқ Сенатнинг еттинчи ялпи мажлисида «Ногиронлиги бўлган шахсларнинг ҳуқуқлари тўғрисида»ги қонун сенаторлар томонидан муҳокама қилиниб, маъқуллангани, унда Сенат раиси Танзила Норбоева ногиронлиги бор бўлган шахслар муаммолари юзасидан амалга оширилиши зарур бўлган жиҳатларга урғу бергани тўғрисида хабар берилганди. Шунингдек, Сенат Янгиҳаёт ва Давлатобод туманларини ташкил этиш ҳақидаги қарорларни тасдиқлаган.Соҳада олиб борилган ислоҳотлар натижасида республикамиз куни кеча эълон қилинган Глобал инновацион индексида 131 та мамлакат орасида 93-ўринни эгаллаб, 2015 йилга нисбатан 29 поғона юқорига кўтарилди.
Шу билан бирга, илм-фан соҳасини ривожлантиришда эътибор қаратиш лозим бўлган айрим масалалар ҳам мавжуд.
Хусусан, илмий ташкилотлар ўртасида рақобат муҳитини ривожлантириш зарур. Аксарият илмий ташкилотлар фан йўналишларида монополистга айланиб қолган.
Бундан ташқари, илм-фанни молиялаштиришда хусусий сектор улушини босқичма-босқич ошириб бориш чораларини кўриш лозим. Хусусий секторни фундаментал тадқиқотларнинг олиб борилишига қизиқтириш зарур. Японияда 90 фоиз тадқиқотлар хусусий сектор томонидан молиялаштирилади. Бу борада Япония тажрибасини ўрганиш мақсадга мувофиқ.
Танзила Норбоева, Олий Мажлиси Сенати раиси
Изоҳ (0)