Haydovchilarga o‘zining shaxsiy avtomobillarini ijaraga berish imkoniyatini taqdim etuvchi Amerikaning Turo kompaniyasi individual himoya vositalaridan foydalanishning o‘ziga xos targ‘ibot usulini o‘ylab topdi. Endilikda servis foydalanuvchilari o‘zlarining mashinasiga ulkan tibbiy niqobni taqishlari mumkin, deb xabar beradi Motor.

Foto: Turo

Noodatiy aksessuarning yana bir maqsadi bor: uning yordamida Turo karshering va avtomobillar ijarasi agarda profilaktika choralariga rioya qilinsa, xavfsizlik bo‘lishi mumkinligini ko‘rsatib berishga umid qilmoqda.

Foydalanuvchi xavfsizligini ta’minlash maqsadida kompaniya avtomobilni dezinfeksiya qilish bo‘yicha “virusga qarshi” alohida qo‘llanma chiqargan, shuningdek, mashina va waramask promokodini (birinchi ijaraga 15 foiz chegara taqdim etadi) mijozga kontaktsiz topshirish opsiyasini joriy etgan.

Turo vakillarining so‘zlariga ko‘ra, avtomobilning old qismini yopib turuvchi ulkan niqoblar radiator panjarasiga havo kirishiga to‘sqinlik qilmaydi. “Nafas oluvchi” materialdan tikilgan aksessuar zaruriy testlardan o‘tgan va har qanday mashina uchun xavfsiz.

Avvalroq Xitoy kompaniyasi koronavirus sabab mashina kalitlarini xaridorlarga dronlar yordamida yetkazib berishni yo‘lga qo‘ygani, yangi Rolls-Royce Ghost esa antivirus himoyaga ega bo‘lishi to‘g‘risida xabar berilgandi.