11 сентябрь куни Ўзбекистон Олий Мажлис Сенатининг еттинчи ялпи мажлиси бошланди. Уни Сенат раиси Танзила Норбоева олиб бормоқда. Ялпи мажлисни Сенатнинг ижтимоий тармоқлардаги саҳифалари ҳамда UzReport телеканали орқали онлайн кузатиб бориш мумкин.
Видеоконференцалоқа тарзида ўтказилаётган ялпи мажлисда бир қатор масалалар кўриб чиқилмоқда. Хусусан:
- «Ногиронлиги бўлган шахсларнинг ҳуқуқлари тўғрисида»ги;
- «Халқаро тижорат арбитражи тўғрисида»ги;
- «Наркологик касалликлар профилактикаси ва уларни даволаш тўғрисида»ги;
- «Халқ депутатлари Кенгашлари фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиришлар киритиш тўғрисида»ги;
- «Қишлоқ хўжалиги учун мўлжалланган ерлардан ва ўрмон фонди ерларидан фойдаланиш самарадорлигини ошириш мақсадида Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги;
- «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонунлар шулар жумласидандир.
Бундан ташқари, илмий фаолиятни ривожлантириш учун кўрилаётган чоралар ҳолати ҳақида ҳамда Ўзбекистонда хотин-қизлар тадбиркорлигини ривожлантириш учун яратилган шарт-шароитлар тўғрисида Вазирлар Маҳкамасига парламент сўровлари юбориш масалалари муҳокама қилинади.
Эслатиб ўтамиз, Олий Мажлис Сенатининг август ойида ўтказилган ялпи мажлисида Сенати раиси Танзила Норбоева мамлакатдаги олий таълим тизимини танқид қилган эди. Сенат раҳбари Ўзбекистондаги биронта ҳам университет дунёнинг энг яхши 1000 та университети рўйхатига кирмаслигини таъкидлаганди.
Изоҳ (0)