Юнусобод туманида М.Э. исмли аёлнинг қимматбаҳо тақинчоғини сотиб беришни ваъда қилиб, олиб кетган ва пулни ҳам, бриллиант зеби-зийнатларни ҳам қайтармаган опа-сингилга нисбатан жиноий иш қўзғатилди. Бу ҳақда Тошкент шаҳар ички ишлар бош бошқармаси хабар берди.
Тошкент шаҳри Юнусобод тумани ички ишлар органларига 57 ёшли М.Э. мурожаат қилиб, 2019 йилнинг 5 августидан 13 сентябригача опа-сингил 31 ёшли Д.Х. ва 28 ёшли И.Х. унга қиймати 44 минг АҚШ доллари бўлган бриллиант тақинчоқларини қиммат нархга сотиб беришни ваъда қилган.
М.Э. уларга ишонган ва тақинчоқларни бериб юборган. Бироқ пулларни ҳам, тақинчоқларни ҳам қайтариб ололмаган. Шундан кейин ҳуқуқни муҳофаза қилувчи органларга мурожаат қилган.
Мазкур факт асосида Жиноят кодексининг 168-моддаси (фирибгарлик) бўйича жиноий иш қўзғатилиб, фирибгарликда гумонланувчи опа-сингил қўлга олинди.
Изоҳ (0)