10 сентябрь куни соат 00:20 ларда Наманган вилояти Косонсой тумани ҳудудидан ўтган 4Р-114 автомобиль йўлининг 15-километрида содир бўлган йўл-транспорт ҳодисаси оқибатида бир пиёда ҳалок бўлди. Бу ҳақда ИИВ ЙҲХББ ахборот хизмати хабар берди.
Маълумотларга кўра, 42 ёшли Х.Д. бошқарувида бўлган Nexia автомобили туманнинг «Бешкетмон» МФЙ ҳудудидан ўтаётганида ҳаракат хавфсизлигини таъминлай олмасдан йўлни кесиб ўтаётган пиёда, 1954 йилда туғилган Ғ.Э.ни уриб юборган.
Оқибатида 66 ёшли оғир тан жароҳатлари олиб, шифохонада вафот этган. Ҳозирда мазкур ЙТҲ юзасидан терговолди суриштирув ишлари олиб борилмоқда.
Аввалроқ Самарқанд вилоятида 19 ёшли ҳайдовчи Lacetti’да 7 ёшли болани уриб юбориб, унинг ўлимига сабабчи бўлгани, Жиззахда эса Cobalt 25 ёшли пиёдани уриб кетгани тўғрисида хабар берилганди.
Изоҳ (0)