Mercedes-Benz компанияси америкалик моделер, Off-White лейблининг асосчиси ҳамда Louis Vuitton модалар уйи учун эркаклар кийими йўналишига жавобгар Виржил Абло томонидан яратилган коллабрацияга оид маълумотлар билан бўлишди. Концептуал Project Gelandewagen дизайн-лойиҳаси — бу ҳашамат борасидаги янги тасаввур бўлиб, унда «гўзаликка ва ғайриоддийликка интилиш» ифода этилган, деб хабар беради Motor.
Абло томонидан ишлов берилган афсонавий Mercedes-Benz G-Class бирламчи декордан бутунлай «айрилган» бўлиб, кўпроқ ҳайкалтарошлик намунасига ўхшайди. Ташқи кўринишнинг тозалигига пешлавҳалар, ён ойналар ва ҳатто эшик тутқичларидан воз кечиш ҳисобига эришилган — уларнинг ўрнини тасма эгаллаган, шунингдек, кузов тўлиқ оқ рангга бўялган.
Қўпол ва табиий эстетикани янги кенг «обвес», пасайтирилган «подвеска» ва 25 дюймли Monoblock ғилдираклари ажратиб туради, шиналарга Mercedes-Benz ва Gelandewagen ёзувларга туширилган.
Йўлтанламас салони мустаҳкам ишланган, марказий элементи — аналог қурилмаларга эга олд панелнинг соддалаштирилган вариантини турбасимон хавфсизлик каркаси тўлдириб туради, руль эса Mercedes-AMG One гиперкариники. Интерьер ранги ҳам экстерерига мос келади: асосан оқ ранг, аксентлар — қизил ва майин ҳаворанг.
Project Gelandewagen арт-объекти 14 сентябрь куни Sotheby’s аукциони орқали сотувга қўйилгади. Савдодан тушган маблағлар халқаро ижод ҳамжамиятлари ва ёш дизайнерларни қўллаб-қувватловчи хайрия фондига йўналтирилади.
Мавзуга доир: Россиялик блогерлар «УАЗ»дан «Гелендваген» ясади (видео)