ПСЖ дарвозабони Алфонс Ареоля 2020/21 йилги мавсумни «Фулҳэм» сафида ижарада ўтказади.
Лондонликлар клуби матбуот хизматининг маълум қилишича, франциялик посбон бир мавсумга ижарага олинган. «Фулҳэм»да Ареоляни сотиб олиш ҳуқуқи бўлмайди.
Эслатиб ўтамиз, 27 ёшли дарвозабон 2019/20 йилги мавсумни Мадриднинг «Реал» клубида ижарада ўтказди. Ареоля Ла Лигада тўртта ўйинда майдонга тушди.
Мадрид клуби коронавирус туфайли юзага келган инқироз сабаб Алфонсни сотиб олиш ҳуқуқидан фойдаланмади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)