«Ньюкасл» клуби Саудия Арабистонидан бўлган инвесторларга сотилмайди. Бу ҳақда клуб расмий сайтида маълум қилинди.
Клуб Саудия Арабистони давлат инвестиция фонди PCP Capital Partners ва Reuben Brothers’нинг мамлакат ҳукуматига алоқаси йўқлиги борасида далиллар келтирган. Бироқ Премьер Лига раҳбарияти шунда ҳам клубни мазкур ташкилотларга сотишни тақиқлаган.
«Ньюкасл» лиганинг бу ҳаракатини тўғри деб баҳоламаган ва бу келишув амалга ошиши учун бошқа вариантларни кўриб чиқади.
Шу тариқа «Ньюкасл» клуби Майк Эшлига тегишли бўлиб қолаверади.
Эслатиб ўтамиз, инглиз клубини сотиб олиш ғояси Саудия Арабистонининг валиаҳд шаҳзодаси Муҳаммад бин Салмонга тегишли эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)