Сурхондарё вилоятида катта тезликда кетаётган Cobalt ҳайдовчиси ЙТҲга учраб 34 ёшли йўловчининг ўлимига сабабчи бўлди. Бу ҳақда Тергов департаменти хабар берди.
Маълум бўлишича, 6 сентябрь куни соат 20:20 ларда 43-ёшли М.Б. Cobalt’ни Шеробод тумани «Вандоб» маҳалласи ҳудудидан ўтувчи маҳаллий ички йўлда «Вандоб» маҳалласидан «Чорбоғ» маҳалласига қараб катта тезликда ҳаракатланиб кетаётганида бошқарувни йўқотган ва машина йўлнинг чап томон чеккасига чиқиб, ағдарилиб кетган.
Оқибатда автомашинада бўлган 34-ёшли йўловчи Ш.С. тан жароҳати олиб, ҳодиса жойида вафот этган. Ҳайдовчи эса енгил тан жароҳати олиб тиббиёт бирлашмасига мурожаат қилган.
Дастлабки маълумотларга кўра, йўл-транспорт ҳодисаси содир этилишига маҳаллий йўлга шағал тош ётқизилган жойда тезликни ошириб ҳайдаганлиги сабаб бўлган деб тахмин қилинмоқда.
Ҳолат юзасидан Шеробод туман ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлиши) билан жиноят иши қўзғатилиб, ҳозирда тергов ҳаракатлари олиб борилмоқда.
Изоҳ (0)