Полиция томонидан 62 килограмм марихуана сақлагани учун қўлга олинган 41 ёшли Кори Тэйлорнинг гаражидан қимматбаҳо спорткарлар коллекцияси топилди, деб хабар беради Motor.
Американинг Массачусец штатида гиёҳванд моддаларга қарши кураш доирасида ўтказилган кенг кўламли операциялар давомида Холиок шаҳри фуқароси қўлга олинди. 41 ёшли Кори Тэйлор фургон орқали 62 килограмм марихуанани олиб кетаётган бўлган, бироқ у ўзини полициячиларга FedEx хизматининг курьери сифатида таништирган ва Хуан исмли мижознинг буюртмасини олиб кетаётганини, қопларда нима борлигидан бехабар эканлигини билдирган. Офицерлар унинг сўзларига ишонмай, Тэйлорни ҳибсга олган, бироқ суд Тэйлорни гаров эвазига озод қилган. Шундан сўнг у изсиз йўқолган.
Тергов давомида маълум бўлишича, гиёҳванд моддалар савдогари спорткарлар коллексионери бўлиб чиққан: унинг гаражидан 37 та қимматбаҳо автомобиль топилган.
Расман жиноятчининг онаси эгалик қиладиган Холиок марказидаги ўт ўчирувчиларнинг эски қисмидан саккизта Toyota Supra Mk4, учта Nissan GT-R, бешта BMW М3 E46, учта BMW М3 E92 (улардан бири — Lime Rock Edition), учта Nissan Skyline R34, Honda S2000, Mitsubishi Lancer Evolution, шунингдек, бошқа кўплаб спорткарлар топилган. Полиция яна саккизта автомобилни бошқа жойдан топган, бироқ бу ҳақда маълумот бермаган.
Тэйлорнинг уйидан миллион доллардан ортиқ нақд пул ва 24 та ўқотар қурол топилган. Эндиликда коллекция эгаси қидирувга берилган.
Аввалроқ Франциянинг Дордон водийсида маҳаллий фуқаролардан бирининг умри давомида йиғган эски автомобиллар коллекцияси жиноятчилар гуруҳи томонидан ўғирлаб кетилгани тўғрисида хабар берилганди.
Изоҳ (0)