Жаҳоннинг биринчи рақамли ракеткачиси Новак Жокович US Open мусобақасидан четлатилди.
Сербиялик теннисчи Пабло Каррено-Бустага қарши баҳсда чизиқ ҳакамига тўп билан зарба бериб юборган.
Биринчи сетда 5:5 ҳисоби қайд этилиб турган вақтда Жокович ортиқча тўпни орқа деворга қарата улоқтирди, бироқ тўп бориб чизиқ ҳакамининг томоғига тегди. Ҳакам зарбадан кейин йиқилди ва йўтала бошлади. Новак дарҳол аёлдан кечирим сўраган.
Бош ҳакам ва унинг ёрдамчилари вазиятни муҳокама қилди. Охир оқибат Новакни четлатиш қарори қабул қилинди.
Шу тариқа олти йил деганда илк бор «Улкан тож» соврини янги теннисчига насиб этади. Жокович US Open’ни тарк этгач, мусобақада «Улкан тож»га эга чиққан спортчи қолмади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)