Испания терма жамоаси голли серия бўйича футбол тарихидаги энг яхши 4-натижани қайд этди

Испания терма жамоаси Миллатлар Лигаси 2-туридан ўрин олган баҳсда Украинани йирик ҳисобда мағлуб этиб (4:0), голли сериясини давом эттирди.

Испанларнинг голли серияси 2016 йилдан буён давом этмоқда ва ҳозиргача 42 та ўйинга етди. Бу футбол тарихидаги тўртинчи энг яхши натижа ҳисобланади.

Аввалроқ жамоа бу борада шахсий рекордини янгилаганди.

Бу борада рекордчи Венгрия терма жамоаси ҳисобланади. Венгрия 1949—1957 йиллар мобайнида кетма-кет 66 ўйинда гол уришга муваффақ бўлган. Кейинги ўриндаги Англиянинг 1884—1901 йиллар оралиғидаги голли серияси 52 ўйинни ташкил этади. Учинчи ўриндан 1931—1937 йилларда 43 та ўйинда голли серия қайд этган Италия жой олган.

Сўнгги бор испанлар 2016 йилги Европа чемпионатининг 1/8 финалида Италия терма жамоаси дарвозасига йўл топа олмаганди (0:2).

«Қизил фурия»нинг кейинги ўйини 7 октябрда Португалияга қарши бўлади. Бу ўйин ўртоқлик мақомида ўтказилади.