«Манчестер Сити» ярим ҳимоячиси Фил Фоден ва «Манчестер Юнайтед» ҳужумчиси Мэйсон Гринвуд Англия терма жамоасининг Миллатлар Лигаси доирасида Данияга қарши кечадиган ўйинида иштирок этмайди.
Маълум бўлишича, ўйинчилар Исландияга қарши ўйиндан (1:0) кейин, 5 июль тунида терма жамоа жойлашган меҳмонхонага қизларни таклиф қилган ва бу орқали карантин қоидаларини бузган.
Англия терма жамоаси бош мураббийи Гарет Саутгейт ёш ўйинчилар бу ҳаракатидан кейин терма жамоа билан Данияга йўл олмаслигини маълум қилди.
Бундан ташқари «Манчестер Сити» ва «Манчестер Юнайтед» ҳам ўйинчиларнинг бу ҳаракатини қоралаган. «Шаҳарликлар» баёнотида бу каби ҳаракатлар «Манчестер Сити» ўйинчисига хос эмаслиги айтилган бўлса, «Манчестер Юнайтед» Гринвуднинг бу қилиғидан ҳайратда қолганини маълум қилган.
Эслатиб ўтамиз, ҳар икки футболчи ҳам шанба кунги баҳсда терма жамоа сафида дебют ўйинини ўтказганди.
Маълумот учун, Фоденнинг икки ёшли ўғли бор ва ўғлининг онаси билан узоқ йиллардан буён бирга. Гринвуд эса май ойида қайлиғи билан муносабатни узган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)