Молия вазири Темур Ишметов Сирдарё вилоятидаги «Сардоба» сув омборида содир бўлган тошқиндан талафот кўрган Мирзаобод, Оқолтин ва Сардоба туманларига етказилган зарарни бартараф этиш учун 2020 йилда 1 триллион 432 миллиард сўм маблағ ажратилишини маълум қилди. Бу ҳақда «Kun.uz» хабар берган.
«Кўп қаватли уйлар қурилиши учун 950 миллиард сўм, автомобиль йўллари ва кўприклар қурилиши учун 268 миллиард сўм, ижтимоий соҳа объектларига 84 миллиард сўм ва оқова сув иншоотлари учун 129 миллиард сўм ажратилган.
Бундан ташқари яна маблағлар зарур бўлса, Молия вазирлиги томонидан уларнинг ажратилиши юзасидан чора-тадбирлар ҳеч қандай муаммосиз таъминлаб берилади», — дея видеоконференцалоқа орқали Сенатнинг Сирдарё вилоятида ўтказилган сайёр йиғилишида маълумот берган Ўзбекистон молия вазири.
Мавзуга доир:
Изоҳ (0)