Фарғона вилоятида Ёшлар ишлари агентлиги вилоят бошқармасининг туман ва шаҳар бўлимларига вилоят ҳокимлиги томонидан Nexia-3 автомашиналари топширилди. Бу ҳақда «Дарё» мухбири хабар берди.
Ёшлар ишлари агентлигининг ҳудудий бўлими раҳбарларига машиналар калитини топшириш маросимида ҳокимлик, давлат ва жамоат ташкилоти вакиллари иштирок этди.
Тадбирда Ўзбекистон Президенти ташаббуси билан ташкил этилган агентлик ёшлар билан боғлиқ соҳа ва йўналишларда ягона давлат сиёсати, стратегик йўналишлар ва давлат дастурларини ишлаб чиқиш ҳамда амалга оширишда ўзига хос тизимга айлангани таъкидланди.
Эслатиб ўтамиз, 2020 йил 30 июнь куни Ўзбекистон Президенти фармони билан ёшлар сиёсати соҳасидаги қонун ҳужжатларига риоя этилиши устидан давлат назоратини амалга оширувчи янги орган — Ёшлар ишлари агентлиги ҳамда унинг Қорақалпоғистон Республикаси, вилоятлар, Тошкент шаҳар бошқармалари ва туман (шаҳар) бўлимлари ташкил этилганди.
Алишер Саъдуллаев янги ташкил этилган Президент ҳузуридаги Ёшлар ишлари агентлиги директори лавозимига тайинланган эди.
Изоҳ (0)