Ўзбекистон Москвада жойлашган Халқ хўжалиги ютуқлари кўргазмаси ҳудудидаги миллий экспозиция марказига ўз экспонатларини ноябрь ойига тайёрлайди. Вазирлар Маҳкамаси 29 август куни бу борадаги тегишли қарорни тасдиқлади.
Материаллар ва экспонатлар Ўзбекистоннинг замонавий маданияти ва тарихи ифода этиши керак. Экспозицияни ташкиллаштириш ишларини Маданият вазирлиги, Инвестициялар ва ташқи савдо вазирлиги, Ташқи ишлар вазирлиги биргаликда икки ой муддатда амалга ошириши белгиланган.
Шунингдек, Бутунроссия кўргазма маркази ҳудудида «Ўзбекистон кўргазма-маданий маркази» экспозицион марказини сақлаб туриш ва ундан фойдаланиш дирекцияси Россия қонунчилигига мувофиқ ташкил этилади. Ўзбекистон Қурилиш вазирлиги Тошкент шаҳар ҳокимлиги билан биргаликда 2020 йил охиригача 66-павильонни реконструкция қилиш ва жиҳозлаш ишлари тугатади.
Эслатиб ўтамиз, 2019 йилда Президент Шавкат Мирзиёев қарори билан Ўзбекистон ва Россия ҳукуматлари ўртасида Москвадаги Бутунроссия кўргазма маркази 66-павильонида «Ўзбекистон Республикаси кўргазма маданий маркази» экспозицион марказини ташкил этиш тўғрисидаги битим тасдиқланганди.
Изоҳ (0)