Футбол бўйича Қатар Юлдузлар Лигасининг 1-турида «Ас-Садд» 3 сентябрь, пайшанба куни «Ал-Ҳаритият»га қарши баҳс юритди.
Учрашувнинг 28-дақиқасида Санти Касорла меҳмонларнинг дастлабки голини урди. Шу билан биринчи бўлимда бошқа гол бўлмади. Иккинчи бўлимда эса дарвозалар беш бор ишғол этилди.
55-дақиқада Бағдод Бунеджа жамоасининг иккинчи голини урди. орадан кўп ўтмай Касорла жарима майдони ташқарисидан дарвозанинг тўққизлик бурчагини аниқ нишонга олди. 64-дақиқада Рашид Тиберканине майдон эгаларининг ягона голини урди.
72-дақиқада мезбонлар ҳимоячиси Муҳаммал Салом ўз дарвозасини ишғол қилиб қўйди. Ўйин якунланиши арафасида Акром Афиф якуний ҳисобни ўрнатди — 1:5.
Шу тариқа Хави қўл остидаги жамоада 2020/21 йилги мавсумни ғалаба билан бошлади.
Қатар Юлдузлар Лигаси
1-тур баҳси
3 сентябрь, пайшанба
«Ал-Ҳаритият» — «Ас-Садд» 1:5
Голлар: 0:1 – 28 Касорла, 0:2 – 55 Бунеджа, 0:3 – 60 Касорла, 1:3 – 64 Тиберканине, 1:4 – 72, автогол Салом, 1:5 – 85 Афиф.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)