Ўзбекистон терма жамоаси бош мураббийи Вадим Абрамов Тожикистонга қарши кечган ўртоқлик учрашувидаги ғалабадан (2:1) кейин ўз фикрлари билан ўртоқлашди.
Ўйинни кўрдингиз, ёмон бўлмади. Кўплаб ёш футболчиларни кўриб олдик. Бу фақатгина фойдага хизмат қилди. Гарчи пенальтидан гол урган бўлсак-да, ўйинда адолатли ғалабага эришдик деб ҳисоблайман. Ташаббус бизнинг томонда бўлди.Менимча, бу ўйинда барча футболчилар ўзини кўрсатди. Тожикистон жуда яхши ўйнади. Агарда Германия Нидерландия билан ўйнаса, бу принципиал баҳс дейилади. Ёшларимиз ўзини кўрсатишга ҳаракат қилди. Бироқ барибир жамоавий ўйинни кучайтириш керак. Сиз кўришни истаган жамоавий ўйин ҳали шаклланмаган. Индивидуал энг кучли футболчиларни танлаб олишга ҳаракат қилдик. 19 ёшли терма жамоа учун эса академиялар кўп. Уларда танлаш имконияти юқорироқ.
Миллий терма жамоа расмий ўйинда ўйнамаганига бир йил бўлиб қолди. Ўйин услуби рақибларнинг ўйинига қараб танланади. Пандемия сабабли жуда катта танаффус бўлди, мен сеҳргар эмасман. Бу учрашувда ҳам ҳужумкор ўйнадик, ҳимояга ётиб олмадик. Вақт керак, вақт ўтиб, сизлар кутган ўйин услуби юзага келади.
Йиғинларда асосан маҳаллий футболчилар қатнашади. Истаймизми йўқми, барибир, расмий ўйинларда легионерларга таянилади.
Пандемия сабабли улар бизнинг ихтиёримизга етиб кела олмаяпти. Эрон билан ўртоқлик ўйинини октябрь ойига кўчирдик. БАА билан келишувга яқинмиз. Кўп нарса ҳаво рейсларига боғлиқ. БААга чартер рейслар очиладиган бўлса, учиб кетишимиз мумкин. Муаммо шунда. Пандемияда вазият қандай бўлишига қараб иш тутамиз. Хориждаги футболчилар билан биз доимий алоқадамиз. Теле-трансляциялар орқали футболчиларни кузатиб борамиз.
ЖЧ—2022 саралаш босқичи марказлаштириладиган бўлса ҳам унга тайёрланиш керак. Балки ўйинлар январь ёки февраль ойларида бўлиб ўтар. Менимча бунгача бўладиган ўртоқлик ўйинлари фойдадан ҳоли бўлмайди. Эрон ва БАА термалари билан ўртоқлик ўйинлари орқали расмий ўйинларга яхши тайёрланамиз.
Вадим Абрамов, Ўзбекистон терма жамоаси бош мураббийи
Мавзуга доир: Икки от жиловини тутганлар. Параллел 2 та лавозимда ишлаш Ўзбекистон терма жамоаси мураббийлари учун фойдали бўлганми?
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)