Футбол бўйича Ўзбекистон Про-Лигасининг 4-туридан ўрин олган сўнгги икки ўйин 3 сентябрь, пайшанба куни бўлиб ўтди.
«Турон» ва «Истиқлол» жамоалари ўртасида кечган водий дербисида майдон эгаларининг қўли баланд келди. Учрашувнинг 5-дақиқасидаёқ яйпанликлар Абдулазизхон Абдурашидовнинг голидан кейин олдинга ўтиб олди. Иккинчи бўлим дебютида Шоҳрух Холматов мезбонларнинг иккинчи голини урди. Бунга меҳмонлар Санжар Баратовнинг 71-дақиқадаги голи билан жавоб берди.
Яна бир ўйинда «Динамо» ўз уйида «Зомин»ни қабул қилди. Шаҳбоз Нуриддинов биринчи бўлим якунланиши арафасида самарқандликларни олдинга олиб чиққан бўлса, иккинчи бўлим дебютида Андрей Сидоров зоминликлар дарвозасини ишғол қилди. Ҳакам томонидан қўшиб берилган вақтда Обид Жўрабоев якуний ҳисобни ўрнатди — 3:0.
Про-Лига
4-тур баҳслари
3 сентябрь, пайшанба
«Турон» — «Истиқлол» 2:1
Голлар: 1:0 – 5 Абдулазизхон Абдурашидов, 2:0 – 56 Шоҳрух Холматов, 2:1 – 71 Санжар Баратов.«Динамо» — «Зомин» 3:0
Голлар: 1:0 – 45 Шаҳбоз Нуриддинов, 2:0 – 57 Андрей Сидоров, 3:0 – 90+1 Обид Жўрабоев.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)