ЖЧ—2022 мезбони Қатар терма жамоаси ўз уйида ўтадиган мусобақа олдидан 2021 йилда КОНКАКАФ Олтин Кубогида иштирок этади.
КОНКАКАФ раҳбарияти ва Қатар футбол ассоциацияси бу борада тегишли шартномани имзолаган.
Маълумот учун, Қатар терма жамоаси Америка Кубоги—2020 мусобақасида қатнашиши белгиланганди. Бироқ мазкур мусобақа коронавирус пандемияси сабаб 2021 йилга қолдирилди. Шу тариқа Қатар 2021 йилнинг ёзида кетма-кет икки минтақа бош мусобақасида қатнашади. Копа Америка 12 июндан 12 июлга қадар бўлган муддатда ўтказилади. Шимолий Америка Кубоги эса 10 июлдан 1 августга қадар бўлиб ўтади.
Қатар мезбонлик қиладиган 2022 йилги Жаҳон Чемпионати 21 ноябрдан 18 декабрга қадар ўтказилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)