Пентагон АҚШ Конгресси учун Хитой Қуролли кучларининг ҳолати тўғрисидаги йиллик ҳисоботини эълон қилди. Унда ёзилишича, Хитой халқ-озодлик армияси камида мудофаанинг учта соҳаси бўйича АҚШ армиясидан ўтиб кетган.
Пекин кемасозлик борасида АҚШдан ўтиб кетишга муваффақ бўлган. Хитой ўз флотининг сони бўйича АҚШ Ҳарбий-денгиз кучларини ортда қолдирган. Уларнинг таркибидан 350 та кема ва сув остида кемалари, жумладан, 130 та йирик сувусти кемалари ўрин олган. Қўшма Штатлар флотида эса 293 та жанговар кемалар мавжуд.
Шунингдек, Пентагон Хитойнинг қанотли ва баллистик ракеталар бўйича ҳам устунлигини тан олган. АҚШ Мудофаа вазирлигининг баҳолашича, Хитой ишғол этиш узоқлиги 500 дан 5,5 минг километргача бўлган 1250 та янги турдаги қанотли ва баллистик ракетага эга. АҚШ эса 70 дан 300 километргача мўлжалланган ерусти баллистик ракеталарнинг фақат бир турига эгалик қилади.
Ҳужжатда таъкидланишича, гап конвенсион қуролланиш турлари ҳақида кетмоқда.
Бундан ташқари, Хитой Қўшма Штатларни Ҳаво ҳужумидан мудофаа тизими соҳасида ҳам ортда қолдирган. Ҳисоботга кўра, Хитой бу каби натижага Россия қуролланишининг етказиб берилиши ҳисобига эришган. «Хитой дунёдаги энг йирик ‘ер—ҳавo’ тизимларидан бирига, жумладан, Россияда ишлаб чиқарилган C-400 ва C-300 тизимларига эга, шунингдек, ўзида ҳам комплексларни ишлаб чиқаради», — дейилади ҳужжатда.
Шу билан бирга, Пентагон таҳлилчиларининг сўзларига кўра, Хитой армиясида олдингидек бир қатор соҳаларида муаммолар мавжуд. Шу сабабли Хитой қуролли кучларини ривожлантириш стратегияси яна 20 йил узлуксиз ислоҳотларни амалга оширишни назарта тутади.
Мавзуга доир: Пентагон «супер-пупер» ракета синови ҳақида маълум қилди
Изоҳ (0)