Қозоғистон президенти Қосим-Жомарт Тўқаев қишлоқларда ҳокимлик (аким) лавозимига сайловлар ўтказишни таклиф қилди, деб хабар бермоқда Tengrinews. Бу ҳақда у 1 сентябрь куни мамлакат халқига мурожаатида билдирган.
Президент ўз мурожаатида келгусидаги барча сиёсий ислоҳотлар халқнинг бошқарувда фаолроқ иштирок этишига йўналтирилган бўлиши кераклигини таъкидлаган.
«Сўровлар шуни кўрсатдики, жамият қишлоқ акимларини сайлаш тарафдори. Бу эътибор ва изчиллик билан ёндашиш керак бўлган муҳим қадам. Биз ушбу тизим қандай ишлашини аниқ англаб олишимиз керак. Бироқ ушбу масалани ҳал қилишни кейинга қолдирмаслик лозим. Бир қатор қишлоқ акимларининг ваколат муддати келаси йил тугайди. Қишлоқ ҳокимлари сайловларини ўтказиш лозим деб ўйлайман», — деган Тўқаев.
Изоҳ (0)