Жиззахда меъёрий ҳужжатлари бўлмаган 52 ёшли мотоцикл ҳайдовчиси Spark’ка тўқнашиб ҳалок бўлди

Жиззахда мотоциклнинг Spark билан тўқнашиши оқибатида 52 ёшли ҳайдовчи ҳалок бўлди.

ЙҲХББ матбуот хизмати хабарига кўра, воқеа 2 сентябрь куни соат 05:10 ларда, Жиззах вилояти, Ғаллаорол тумани ҳудудидан ўтувчи, Оқтош—Оболум—Гулчамбар автомобиль йўлининг 48-километрида юз берган.

Меъёрий ҳужжатлари бўлмаган ҳайдовчи, 1962 йилда туғилган Б.М. давлат рақам белгиси бўлмаган «ИЖ» русумли мотоциклни Гулчамбар—Жума йўналишида бошқариб кетаётиб, қарама-қарши йўналишга чиқиб кетган ва қаршисидан келаётган ҳайдовчи, 1981 йилда туғилган Ғ.М. бошқарувидаги Spark билан тўқнашган.

Натижада, «ИЖ» русумли мотоцикл йўловчиси 52 ёшли Ж.М. оғир тан жароҳатлари олиб шифохонада вафот этган.

Мазкур ЙТҲ юзасидан Ғаллаорол тумани ИИБ ТБ томонидан Жиноят кодексининг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.