TikTok видеосервисига автомобиль давлат рақамини яширувчи автоматлаштирилган пардача видеосини жойлаштирган тошкентлик ҳайдовчи жаримага тортилди. Бу ҳақда Тошкент шаҳар ИИББ ахборот хизмати хабар берди.
Маълум бўлишича, видео муаллифи дўстларига автомобиль давлат рақамини яширувчи автоматлаштирилган пардачани намойиш қилган. Мазкур Lacetti русумли автомобилнинг турар жойи ва ҳайдовчиси пойтахтда яшовчи 36 ёшли С.А. эканлиги аниқланган.
Текширув давомида давлат рақамидаги пардачадан ташқари ёритувчи мосламалардан фойдаланиш қоидалари ҳам бузилганлиги қайд этилган. Ўрнатилган мосламалар икки нафар холис иштирокида ечилган.
Автомобиль жарима майдончасига жойланган, ҳайдовчига нисбатан эса маъмурий жарима белгиланган.
Изоҳ (0)