YouTube’даги Sport Auto канали экспертлари орқа узатмали, ўрта моторли спорткарлар Chevrolet Corvette C8 Stingray, Porsche 911 Carrera S (992) ва янгиланган Audi R8 RWD’ни ўзаро таққослаб кўрди. Ҳар бир автомобиль рулига таржибали ҳайдовчи ўтириб, 3629 метрли Xokkenxaymring ҳалқаси бўйлаб тезкор айланишни амалга оширган.
Янги Chevrolet Corvette C8 Stingray моделига 502 от кучига 637 айланувчи моментга эга 6,2 литрли V8 LT2 «атмосфера» двигатели ўрнатилган. Трансмиссия — даврий саккиз поғонали «робот», узатма — орқа ўқ. Европада Corvette Launch Edition базавий бўлмаган версияси 99 минг евро туради, Шимолий Америкада модель нархи 60 минг доллардан бошланади.
Porsche 911 Carrera С капоти остидан 450 от кучига эга (530 Нм) 3,0 литрли олти цилиндрли мотор ўрин олган бўлиб, у саккиз поғонали PDR «робот» узатмалар қутиси ёрдамида бошқарилади. Германияда мазкур модель нархи 118 минг еврода, АҚШда эса — 115 минг доллардан бошланади.Audi R8 RWD’га 540 от кучига эга (540 Нм) V10 двигатели ўрнатилган бўлиб, қувват орқа ўққа етти поғонали «робот» орқали узатилади. Германияда модель нархи 140 минг евродан, АҚШда эса 570 от кучига эга тўлиқ узатмали версияси 170 минг доллардан бошланади.
Xokkenxaymring автодромида тажрибали ҳайдовчи айланишлар бўйича ўзаро мос натижаларни кўрсатди: энг яхши ва энг ёмон натижа орасидаги фарқ 1,1 сонияни ташкил этди. Таъкидлаш керакки, Chevrolet Corvette’га Michelin Pilot Sport 4s, Porsche 911’га — Porelli P Zero NA1, Audi R8’га эса — Michelin Pilot Sport Cub 2 A0 покришкалари «кийгизилган».
Изоҳ (0)