АҚШ йўл ҳаракати хавфсизлиги миллий институти (IIHS) Kia Seltos устида бир қатор краш-тестларни ўтказди. Экспертлар ўнлаб тестлардан сўнг Жанубий Корея кроссоверининг пассив ва актив хавфсизлигини юқори баҳолаган, бироқ Kia Seltos’ни танқид қилган — асосий ёруғлик фаралари самарасиз дея тан олинган, деб хабар беради Motor.
IIHS услуби бўйича краш-тестлар соатига 64 километр тезликда учта юзма-юз тўқнашувни ўз ичига олади. Тўқнашувларнинг барчаси қисман қопламалар билан амалга оширилади. Ҳайдовчи ва йўловчи томонининг 25 фоизли қопламаси билан иккита зарба ҳамда олд томони 40 фоиз қопланган учинчи тўқнашув. Шунингдек, ён зарбаларга бардошлилик ҳам синалади, том қисмининг мустаҳкамлиги ва ўриндиқлар қотирилиши текширилади.
IIHS мутахассислари актив хавфсизлик тизимини баҳолашда шаҳар шароитидаги тезликда содир бўлган ЙТҲда электрониканинг ишлаш қобилиятини текширади. Kia Seltos’да автоматик тормозланиш тизими соатига 19 ва 40 километр тезликдаги синовлардан муваффақиятли ўтган. Бундан ташқари, Kia Seltos кузовининг мустаҳкамлиги ва пассив хавфсизлик тизимининг ишлаши ҳам яхши баҳоланган.
IIHS мутахассисларининг фикрича, Kia Seltos’нинг муаммоси — асосий ёруғлик фаралари. Стандарт ва опсион галоген лампалар ҳамда олд томонидаги ёруғлик диодли оптика ҳам самарасиз дея топилган. Экспертлар бурилишлардаги ёруғлик нури майдонининг камлигини танқид қилган.
Аввалроқ Mercedes-Benz краш-тест манекенлари ҳаётига бағишланган сериал яратгани тўғрисида хабар берилганди.
Изоҳ (0)