Фарғона вилояти Қува туманида Nexia-2 йўлни кесиб ўтаётган велосипедчини уриб кетди, деб хабар бермоқда вилоят ИИБ ахборот хизмати.
Маълум қилинишича, 27 август куни фуқаро П.С. бошқарувидаги Nexia-2 русумли автомашинасини «Қалъача» МФЙ ҳудудида бошқариб кетаётиб, қатнов қисмини велосипедда кесиб ўтаётган Қ.Б.ни уриб юборган. Оқибатида Қ.Б. тан жароҳати олиб ҳодиса жойида вафот этган.
Мазкур ҳолат юзасидан Қува тумани ИИБ ҳузуридаги тергов бўлими томонидан Жиноят кодексининг 266-моддаси 2-қисми (одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Аввал Қашқадарё вилоятининг Яккабоғ туманида содир бўлган йўл-транспорт ҳодисаси оқибатида 13 ёшли Ғ.Т. исмли бола, Чироқчи туманида DAF ХФ 105 русумли юк автомашинаси ва Orlando тўқнашуви туфайли енгил машина ҳайдовчиси М.М. ва йўловчи Т.Ж. воқеа жойида вафот этгани, Қарши шаҳрида Сobalt ҳайдовчиси велосипед бошқариб кетаётган 30 ёшли аёлни уриб юборгани, жабрланувчи воқеа жойида ҳалок бўлгани ҳақида хабарлар берилган.
Изоҳ (0)