Ўзбекистондаги нотариуслар 29 август соат 19:00 дан 1 сентябрь 19:00 гача фаолият кўрсатмайди, деб хабар қилмоқда Адлия вазирлиги.
Қайд этилишича, «Нотариус» автоматлаштирилган ахборот тизимида муаммолар кузатилмоқда.
Ушбу муаммоларни ҳал қилиш, тизимнинг узлуксиз ишлашини таъминлаш мақсадида Адлия вазирлиги томонидан маълумотларни янги сервер қурилмаларига кўчириш режалаштирилмоқда.
Шу сабабли, 2020 йилнинг 29 август куни соат 19:00 дан 1 сентябрь куни соат 19:00 га қадар «Нотариус» автоматлаштирилган ахборот тизимининг иш фаолияти тўхтатиб турилади ва ушбу кунларда нотариуслар фаолият кўрсатмайди.
«Сизлардан мазкур ноқулайлик учун узр сўраган ҳолда, шу кунлари нотариус қабулига боришни режалаштирмаслигингизни сўраймиз», – дейилади Адлия вазирлиги хабарида.
Мавзуга доир:
- Ҳукумат қарори билан хусусий нотариусларнинг фуқаролик жавобгарлигини мажбурий суғурта қилиш тартиби белгиланди
- Адлия вазирлиги карантин даврида фуқаролар нотариал хизматлардан қандай фойдаланиши мумкинлиги ҳақида маълумот берди
- Ўзбекистонда юридик шахс ташкил этмасдан хусусий нотариуслик билан шуғулланишга рухсат этилди
Изоҳ (0)