Ички ишлар вазирлиги тизимида янги лавозим тайинловлари амалга оширилди

Ички ишлар вазирининг шахсий таркиб бўйича буйруғи билан лавозим тайинловлари амалга оширилди. Бу ҳақда вазирлик ахборот хизмати хабар берди.

Полковник Алиаҳмед Чориев Тошкент шаҳар Ички ишлар бош бошқармаси бошлиғининг ўринбосари-кадрлар бошқармаси бошлиғи лавозимига тайинланди.

Тайинловга қадар Алиаҳмед Чориев Тошкент вилояти ИИББ бошлиғининг ўринбосари-кадрлар бошқармаси бошлиғи лавозимида фаолият юритган.

Полковник Дилмурод Хўжақулов Тошкент вилояти Ички ишлар бош бошқармаси бошлиғининг ўринбосари-кадрлар бошқармаси бошлиғи лавозимига тайинланди.

Тайинловга қадар Дилмурод Худжақулов Тошкент вилояти ИИББ Ташкилий бошқарма бошлиғи лавозимида фаолият юритган.

Полковник Шерзод Шермуҳамедов Тошкент вилояти ИИББ Бўстонлиқ тумани ИИБ бошлиғи лавозимига тайинланди.

Тайинловга қадар Шерзод Шермуҳамедов Тошкент вилояти ИИББ бошлиғининг биринчи минтақавий ҳудуд бўйича вакили – марказ бошлиғи лавозимида фаолият юритган.

Полковник Низом Хуббимов Тошкент вилояти ИИББ бошлиғининг учинчи минтақавий ҳудуд бўйича вакили – марказ бошлиғи лавозимига тайинланди.

Тайинловга қадар Низом Хуббимов Тошкент вилояти ИИББ Патруль-пост хизмати ва жамоат тартибини сақлаш бошқармаси бошлиғи лавозимида фаолият юритган.

Подполковник Оғабек Нурметов Тошкент вилояти ИИББ Патруль-пост хизмати ва жамоат тартибини сақлаш бошқармаси бошлиғи лавозимига тайинланди.

Тайинловга қадар Оғабек Нурметов Тошкент вилояти ИИББ Патруль-пост хизмати ва жамоат тартибини сақлаш бошқармаси бошлиғи ўринбосари-жамоат тартибини сақлаш ва махсус муассасалар фаолиятини ташкиллаштириш бўлими бошлиғи лавозимида фаолият юритган.

ИИВ вазирининг шахсий таркиб бўйича буйруғи билан Наманган ҳамда Фарғонада лавозим тайинловлари амалга оширилган эди.