АҚШда мамлакатдаги энг кучли табиий офатлардан бири «Лаура» тўфони оқибатида 4 киши ҳалок бўлди

АҚШнинг Луизиана штатида 4 киши, жумладан, 14 ёшли қиз мамлакат тарихидаги энг кучли табиий офатлардан бири «Лаура» тўфони туфайли ҳаётдан кўз юмди. Уларнинг ўлимига турар жойлар устига дарахтларнинг қулаб тушиши сабаб бўлган, дея хабар қилди Associated Press. Луизиана штати ҳукумати қурбонлар сони бундан кўпроқ бўлиши мумкинлигини инкор этмаган.

Штат губернатори Белл Эдвардс «Лаура»нинг Луизианага ёпирилган энг кучли тўфонлардан бири эканини таъкидлаган. Яъни «Лаура» 2005 йилдаги «Катрина» тўфони талафотларидан ҳам кўпроқ зиён етказган.

https://twitter.com/blkahn/status/1299050189181915136

Ушбу тўфон даврида шамолнинг максимал тезлиги соатига 241 километрга етган. Тўфон Луизиана қирғоқларига кириб келганидан 11 соат ўтиб, тропик бўронга айланган ва Арканзас штатининг шимолий қисми томонга қараб ҳаракатланган.

Луизиана ва Техасда 700 мингдан зиёд уйлар электр таъминотисиз қолган. Табиий офат кўплаб биноларни қисман ёки бутунлай вайрон қилган. Луизианадаги Уэстлейк шаҳарчасида жойлашган BioLab кимёвий заводида тўфон туфайли ёнғин келиб чиққан.

Chemical plant BioLab in Westlake caught fire in Laura’s wake, sending thick black smoke billowing into the sky over the wind-torn landscape near Interstate 10 https://t.co/Rl6nxQfROX 3/4 pic.twitter.com/nMMtggZXKw

— Reuters (@Reuters) August 27, 2020

Аввал «Лаура» тўфони оқибатида Гаитида 20 нафар, Доминиканда эса уч нафар фуқаро вафот этганди.