Сирдарё вилояти ҳудудидан ўтувчи А-373 автомобиль йўлининг 17-километрида 26 август, чоршанба куни юк машинаси ағдарилиб кетди. Бу ҳақда Фавқулодда вазиятлар вазирлиги хабар берди.
Маълум қилинишича, ЙТҲ 26 август куни куннинг биринчи ярмида юз берган. Тошкент—Термиз йўналишида ҳаракатланаётган юк машинаси ҳайдовчисининг бошқарувни йўқотиши оқибатида йўл четига чиқиб кетган ва ағдарилган.
Воқеа жойига Сирдарё вилояти фавқулодда вазиятлар бошқармаси ходимлари етиб бориб, юк машинасининг пачоқланган салонида қолиб кетган ҳайдовчини чиқариб олган. Ҳайдовчи Оқолтин туман шифохонасига ётқизилган, унинг ҳаётига ҳеч қандай хавф йўқ.
Воқеа жойидан олинган видеода ағдарилган юк машинадан тўкилган Coca-Cola ичимлиги идишларини кўриш мумкин.
Эслатиб ўтамиз, 25 август куни Жиззах вилоятида автобуснинг тарвуз олиб кетаётган юк машинасига урилиши оқибатида юк машина ағдарилиб, унинг салонида бўлган ҳайдовчи ва йўловчи вафот этганди.
Изоҳ (0)