Тошкентнинг икки туманида Ички ишлар органлари фаолиятини мувофиқлаштирш бошқармаларига янги раҳбарлар тайинланди. Бу ҳақда ИИВ матбуот хизмати хабар берди.
Подполковник Элёр Эргашев Бектемир тумани ИИО ФМБ бошлиғи лавозимига тайинланди. Тайинловга қадар у Сирдарё вилояти ИИБ Жиноят қидирув бошқармаси бошлиғининг биринчи ўринбосари лавозимида хизмат қилган.
Полковник Абдувосит Абдураззоқов Сергели тумани ИИО ФМБ бошлиғи лавозимига тайинланди. Унгача ИИВ Жиноят қидирув бош бошқармаси ўта муҳим ишлар бўйича тезкор вакили лавозимида ишлаган.
Эслатиб ўтамиз, Шавкат Мирзиёев 21 август куни Бектемир туманига ташрифидан сўнг барча сектор раҳбарлари — прокурор, ички ишлар бўлими бошлиғи ва давлат солиқ инспекцияси бошлиғи лавозимларини тарк этди. 25 август куни туманнинг янги ҳокими этиб Жаҳонгир Иброҳимов тайинланди.
Бундан ташқари, август ойининг бошида лавозимидан озод этилган Сергели тумани ҳокими Бахтиёр Шомуротов ўрнига Элбек Шукуров ҳоким этиб тайинлангани, 2018 йил июль ойидан буён Яшнобод тумани ҳокими лавозимида ишлаб келаётган Ҳожиакбар Тиллашайхов ҳам ўз вазифасидан четлаштирилиб, унинг ўрнига Тошкент шаҳар ҳокими ўринбосари Бахтиёр Раҳмонқулов тайинлангани хабар берилган эди.
Изоҳ (0)