Жиззах вилоятида қопқонга тушган айиқ қутқарилди, дея хабар берди Давлат экология қўмитаси.
Қайд этилишича, 26 август куни Жиззах вилоятининг Бахмал туманидаги Бахмал давлат ўрмон хўжалиги Узунбулоқ бўлими Каттасой айланмаси ҳудудида номаълум фуқаролар томонидан қўйилган қопқонга «Қизил китоб»га киритилган айиқ тушганлиги маълум бўлган.
Маҳаллий аҳоли томонидан ушбу ҳолат юзасидан мурожаат келиб тушгач, тегишли идоралар — Давлат экология қўмитасининг Биохилма-хиллик ва муҳофаза этиладиган табиий ҳудудлар бош бошқармаси ҳамда Жиззах вилояти экология ва атроф-муҳитни муҳофаза қилиш бошқармаси мутахассислари манзилга етиб борган.
Таъкидланишича, ҳозирда айиқни қутқариш ва даволаш муолажалари олиб борилмоқда.
Изоҳ (0)