Тошкент шаҳридаги 2 та автобус йўналиши ҳаракатига вақтинчалик ўзгартириш киритилди

Тошкент шаҳридаги Фарғона йўли кўчасини реконструкция қилиш ишлари доирасида автотранспорт воситаларининг Янги Қўйлиқ кўчасидан Фарғона йўли кўчасига ҳаракатланиши вақтинчалик чекланган. Бу ҳақда «Тошшаҳартрансхизмат» хабар қилди.

Қайд этилишича, реконструкция қилиш ишлари муносабати билан йўловчилар ташиш узлуксизлигини таъминлаш мақсадида таъмирлаш ишлари якунига етказилгунга қадар, 2020 йил 25 августдан бошлаб 37-сонли Маҳаллий Аэропорт-3—Тошкент МУМ ва 55-сонли Тошкент қувур заводи—Истиқлол кўчаси автобус йўналишларининг шаҳар маркази томон ҳаракатига ўзгартириш киритилади.

Унга кўра, автобуслар йўналишининг Янги Қўйлиқ кўчасидаги «2-оилавий поликлиника» бекатидан сўнг Файзиобод 9-тор, Файзиобод, Файзиобод 4-тор, Бешкент, Оқбилол 4-тор, Оқбилол кўчалари, Фарғона бозори кўприкости йўли, Фарғона йўли ҳамда Жарқўрғон кўчалари чорраҳаси, Фарғона бозори кўприк йўли ва Фарғона йўли кўчалари орқали кейинги ҳаракатини давом эттириши маълум қилинган.

Аввалроқ Тошкентда 22 та автобус йўналиши ҳаракатига ўзгартириш киритилган ва 3 та йўналиш ёпилгани ҳақида хабар берилганди.