Қорақалпоғистоннинг Чимбой туманида қимор ўйнаётган 14 киши қўлга олинди. Бу ҳақда ИИВ матбуот хизмати хабар берди.
23 август куни соат 21:00 ларда Чимбой тумани ички ишлар бўлими ходимлари томонидан «Тозалаш-антитеррор» тезкор тадбирлари давомида шу туманда истиқомат қилувчи фуқаро С.Т. ўз уйида 13 киши билан қимор карта ўйнаётгани аниқланган
Ҳолат юзасидан ҳужжатлар расмийлаштирилиб воқеа жойидан 18 миллион 292 минг сўм ва 150 доллар ҳамда 6 қутида ўйин карталари ашёвий далиллар сифатида олинган.
Мазкур ҳолат юзасидан Чимбой тумани ички ишлар бўлими ходимлари томонидан суриштирув ишлари олиб борилмоқда.
Изоҳ (0)