Жиззах вилояти Зафаробод тумани ҳокимлигида иш юритувчи бўлиб ишлайдиган шахс ер ажратиб бериш учун пора олаётган вақтда қўлга олинди. Бу ҳақда ИИВ ЖҚББ Коррупция ва иқтисодий жиноятларга қарши курашиш бошқармаси хабар қилди.
Маълум қилинишича, 2020 йилнинг 19 август куни Жиззах вилояти ИИБга Жиззах вилояти Пахтакор тумани «Пахтакор» маҳалласи Гулбаҳор кўчаси 144-уйда яшовчи, С.А. ариза билан мурожаат қилган. У ўз аризасида 2020 йилнинг 17 август куни ўзини Жиззах вилояти Зафаробод тумани ҳокимининг қурилиш ишлари бўйича ўринбосари М. деб таништирган шахс «Бўстон» маҳалласи ҳудудида 40 сотих бўш ер майдони борлигини, ушбу ерга тўйхона қурилиши учун туман ҳокимининг қарорини чиқартириб беришини айтиб, эвазига ундан 12 000 АҚШ доллари талаб қилаётганлигини баён қилиб, М. исмли шахсга нисбатан қонуний чора кўришни сўраган.
Аризага асосан, шу куни ИИВ ЖҚББ Коррупция ва иқтисодий жиноятларга қарши курашиш бошқармаси ва Жиззах вилояти ИИБ ЖҚБ Коррупция ва иқтисодий жиноятларга қарши курашиш бўлими ходимлари билан ҳамкорликда ўтказилган тезкор тадбир давомида Жиззах вилояти Зафаробод туман ҳокимлиги иш юритувчиси лавозимида ишловчи, М.Б. С.А дан талаб қилган 12 000 доллардан 8000 доллари миқдоридаги пулларни олган вақтида ушланган. Ундан ашёвий далил сифатида 8000 АҚШ доллари ҳамда аризачи С.А.га тегишли бўлган фуқаролик паспорти нусхаси олинган.
Ушбу ҳолат юзасидан тўпланган ҳужжатлар Жиззах вилоят ИИБ ҳузуридаги Тергов бошқармасига қонуний чора кўриш учун топширилган.
Изоҳ (0)