Блокчейн коронавирус пандемияси шароитида фуқароларнинг шахсий маълумотлари хавфсизлигини таъминлашнинг муҳим воситаларидан бирига айланиши мумкин. Бу ҳақда Япония молия вазири Таро Асога таяниб, Cointelegraph хабар берди.
«Блокчейн юқумли касалликларнинг кенг тарқалишига қарши курашда алоқаларни кузатишда муҳим қарорлардан бири бўлиши мумкин», — дейди молия вазири.
Унинг қўшимча қилишича, янги технология тест натижаси ижобий бўлган барчанинг маълумотлари махфийлигини таъминлаши мумкин. Шунингдек, ҳукумат вирус тарқалиши ва келажакдаги тўлқинларнинг олдини олишда аниқроқ баҳолашларга эга бўлади.
Япония молия вазирининг таъкидлашича, блокчейн-ҳамжамият регуляторлар билан биргаликда ишлаши керак.
Эслатиб ўтамиз, 2018 йилда Ўзбекистон Президенти «Рақамли иқтисодиётни ривожлантириш тўғрисида»ги фармонни имзолаган эди. Фармонга асосан, Ўзбекистонда блокчейн, криптоактив (рақамли актив) ва майнинг (криптовалюта платформаларининг ишлаши учун зарурий тузилмалар) технологиялари жорий этилиши, блокчейн технологияси давлат органлари фаолиятига татбиқ қилиниши керак.
Мавзуга доир: Ўзбекистонда блокчейн учун махсус ҳудуд ташкил этилади
Изоҳ (0)