Нью-Йоркдаги дилерлик маркази эгаси Mecum аукциони орқали Жоржиа штатидаги мижози учун 1971 йилда ишлаб чиқарилган Ford Mustang Маch 1’ни сотиб олган. Дилер машинани етказиб беришда автомобиль ташувчи хизматдан фойдаланган, бироқ машина йўлда жиддий аварияга учраган, деб хабар беради Motor.
Дэвид Жеймс харид амалга оширилиши билан 49 ёшли Mustang’ни автовозга ортган. Икки штат орасидаги масофа кам эмас — 1450 километр. Транспортёр 14 соат йўл босиб, белгиланган жойга етиб келишига 20 дақиқа қолганида аварияга учраган.
Йўл-транспорт ҳодисаси оқибатида Mustang ва юк машинаси трассадан чиқиб кетиб, ағдарилган. Машина платформадан учиб чиқиб, том қисми билан қулаган. Автомобиль кузовининг катта қисми пачоқланган. Ҳайдовчи ўтирадиган томон тўлиқ, шунингдек, спорткарнинг том қисми ва устунлари шикастланган. Авария нима сабабдан юзага келгани номаълум.
Ford Mustang Маch 1 биринчи авлод купенинг «ўқланган» версияси ҳисобланади. Модификация конвейрдан 1971—1973 йиллар давомида чиққан. Моделга 375 от кучига эга 7 литрли V8 двигатели ўрнатилган бўлиб, у 100 км/соат тезликка 5,6 сонияда эришади. Спорткарнинг максимал тезлиги 220 км/соат.
Аввалроқ АҚШда янги Chevrolet Corvette харид қилинганидан бир кун ўтиб ЙТҲга учрагани тўғрисида хабар берилганди.
Изоҳ (0)