Америкалик Даг Таббатт, Арне Томан ва Беркли Чедвик АҚШнинг бир чеккасидан иккинчисига 25 соат 39 дақиқада етиб борди. Улар Audi А6 ёрдамида ўтган йилги ноқонуний Cannonball Run пойгасидаги рекордни қайтаришга муваффақ бўлган, деб хабар беради Motor.
2020 йилнинг декабрида пойгачилар 700 от кучига эга Mercedes-AMG E 63 ёрдамида АҚШнинг бутун ҳудудини айланиб чиқишга отланган эди. Уларнинг ўша вақтдаги натижаси 27 соату 25 дақиқа бўлган.
Бироқ апрель ойида номаълум пойгачилар Нью-Йоркдан Лос-Анжелесга қадар бўлган масофани 26 соат 38 дақиқада босиб ўтиб, рекордни янгилаган эди. Кимлигини ошкор қилмаган спортчилар Audi А8L седанидан фойдаланган. Пойга ташкилотчилари ўрнатилган рекордни ҳақиқий эмас деб топган, чунки апрелда мамлакат йўллари пандемия сабаб деярли бўш бўлган. Шунга қарамай, Таббатт ва Чедвик яна бир бор ҳаракат қилиб кўрган.
Бунинг учун улар янги автомобиль қидиришга мажбур бўлган, чунки уларнинг E 63 модели бошқа бир пойгада аварияга учраган: соатига 60 километр тезликда юк машинасига бориб урилган. Америкаликлар бу сафар А6’дан фойдаланишга қарор қилган.
Дўстлар Audi ёрдамида АҚШни 25 соат 39 дақиқада босиб ўтган — бу Audi А8L рекордидан 59 дақиқага камроқ. Бу вақт давомида А6 йўлларда 31 дақиқаю 10 сония тўхтаган, ўртача тезлиги эса соатига 180 километрни, энг юқори тезлиги — 282 км/соатни ташкил этган. Ҳаракатни 35 кишидан иборат жамоат кузатиб борган.
Америкаликлар бу каби натижага АҚШдаги пандемия сабаб эришганликларини тан олган. Улар йўлларда полициячилар, авариялар ва йўл таъмирлаш ишларига камроқ дуч келган,
Изоҳ (0)