Сирдарёда «КамАЗ» ҳайдовчиси йўлнинг белгиланмаган қисмидан кесиб ўтаётган пиёдани уриб юборди. Бу ҳақда вилояти ИИБ ЙҲХБ ахборот хизмати хабар берди.
Маълумотларга кўра, 19 август куни соат 16:50 ларда фуқаро Ж.А. «КамАЗ-532120» юк транспорт воситасини бошқариб кетаётиб, Оқолтин тумани ҳудудидан ўтган халқаро Термиз—Тошкент йўналишида йўл-транспорт ҳодисасини содир этган. Ҳайдовчи йўлнинг белгиланмаган қисмини кесиб ўтаётган Д.М. исмли фуқарони уриб юборган.
ЙТҲ оқибатида пиёда Д.М. олган тан жароҳатлари оғирлигидан воқеа жойида вафот этган.
Аввалроқ Қашқадарё вилоятининг Чироқчи туманида «DAF XF 105» русумли юк автомашинаси ва Orlando тўқнашуви туфайли енгил машина ҳайдовчиси М.М. ва йўловчи Т.Ж. воқеа жойида вафот этгани, Китоб туманида эса «КамАЗ» ҳайдовчиси қишлоқ ҳудудидаги ички йўлда 7 ёшли қизчани уриб юбориши оқибатида қизалоқ вафот этгани тўғрисида хабар берилганди.
Изоҳ (0)