Соғлик учун ғамхўрлик қилиш – бу жуда муҳим. Шунингдек, ҳеч қандай фойда келтирмайдиган ва ҳатто зарарли бўлган маҳсулотларни сотиб олмасликни ўрганиш ҳам фойдадан ҳоли эмас. Қуйида соғлик учун зарарли ва аслида ҳеч қандай фойда келтирмайдиган маҳсулотлар рўйхати билан таништирамиз.
Оғиз чайқаш воситаси
Агар кунига тишларингизни икки маҳал ювсангиз, йилига икки марта стоматологга боришни унутмасангиз, сизга оғиз чайқаш воситаси керак эмас. Уларнинг аксарияти тиш ва милкнинг юза қатламидаги қолдиқларни олиб ташлашда самара беради холос. Бу борада тиш чўткаси жуда яхши таъсир қилади.
Бундан ташқари, кўплаб оғиз чайқаш воситаларида спирт бўлади, улар оғиз бўшлиғини қуритади ва етарли миқдорда сўлак ҳосил бўлишига имкон бермайди.
C витамини
Шамоллаш ва грипп мавсуми яқинлашганда, C витамини таблеткалари, шимадиган конфетлари ва кукунларини сотиш кўпаяди. Шунингдек, АҚШ диабет, овқат ҳазм қилиш ва буйрак касалликлари миллий институти тадқиқотчилари сўзларига кўра, синтезланган C витамини касалликларнинг олдини олиш учун деярли фойдасиздир. Соғлик учун энг яхшиси, C витаминини ўз ичига олган озиқ-овқат маҳсулотларини кўпроқ истеъмол қилишдир. Масалан, лимон ва апелсинлар.
Қуёшдан ҳимояловчи крем
Меланома – ҳар йили тобора кўпроқ одамлар чалинаётган жуда хавфли касалликдир. Унинг ривожланишининг асосий сабабларидан бири, тери ва кўзларнинг ультрабинафша нурларига узоқ вақт таъсир қилишдир. Шунинг учун баҳор ва ёзда терига қуёшдан ҳимояловчи кремни суриш жуда муҳим. Аммо энг қиммат дори ҳам самарали таъсир кўрсатадими? Албатта, йўқ.
2013 йил Consumer Repost томонидан олиб борилган тадқиқотлар шуни кўрсатдики, ультрабинафша нурларидан ҳимоя қилувчи маҳсулотлар нархи уларнинг самарадорлигига деярли таъсир кўрсатмайди. Аслида энг муҳим нарса: кремни терига тўғри қўллаш ва ювинишдан сўнг уни янгилашни унутмаслик.
Қулоқни тозалаш учун пахта таёқчалар
Бу майда пахта таёқчалар уй шароитида жуда фойдали бўлиши мумкин, аммо улар қулоқлар соғлигига жиддий зарар етказади. Биринчидан, қулоқ кири – бу қулоқ йўлини бактериялардан ҳимоялайдиган табиий тўсиқдир. Иккинчидан, тозалаш пайтида қулоқни ва эшитишни зарарлаш жуда осон. Шунингдек, кирларни олиб ташлашга ҳаракат қилганда, уларни қулоқ йўлига чуқурроқ суриб юбориш ҳам мумкин.
Кўзлар қизаришига қарши томчи
Шифокорлар кўз томчиларини мунтазам равишда ишлатишни маслаҳат бермайди. Кўзларнинг қизаришига бошқа сабаблар ҳам бўлиши мумкин. Масалан, уйқу етишмаслиги, аллергия, доимий контакт линзалар ёки қуруқ кўз синдроми. Ушбу сабабларнинг аксарияти ниқоблашни эмас, балки даволанишни талаб этади.
Юз учун тоник
Дастлаб, юз терисидаги зарраларни йўқотиш учун ювиш воситаси тоникдан фойдаланиш тавсия қилинди. Замонавий тозалагичлар терида из қолдирмаслиги мумкин, аммо бошқа томондан, улар терини кераксиз равишда қуритиши ва намлик мувозанатини бузиши мумкин.
Изоҳ (0)