Америкалик эркак антибиотиклар курсидан сўнг спиртли ичимликлар ичмаса ҳам ўзини маст ҳолда сеза бошлаган. Маълум бўлишича, унинг организми мустақил равишда алкогол ишлаб чиқаришни бошлаган, деб ёзади Insider.
Шифокорлар 47 ёшли беморга «автопивоқайнатиш» синдроми ташхисини қўйган. Ушбу касалликка дучор бўлган инсон организмида алкогол ичакларда ҳосил бўлади. Бунда бемор спиртли ичимлик истеъмол қилмаса ҳам унда мастлик белгилари пайдо бўлади.
Таъкидланишича, эркак бир сафар шу қадар кучли маст бўлганки, кутилмаган полиция текшируви сабаб у ҳайдовчилик гувоҳномасидан айрилган.
Шифокорлар аввалига беморни паст углеродли диэта билан даволаган, кейин эса шу каби ташхис қўйилган беморларда самара берган дори воситалари курсини белгилаган. Бироқ натижа кутилганидек бўлмаган.
Шундан сўнг шифокорлар бемор ингичка ичагига унинг 22 ёшли қизидан олинган фекал микробиотини кўчириб ўтказган. Операциядан буён деярли уч йил ўтган бўлса-да, беморда юқоридаги синдром аломатлари бошқа кузатилмаган.
Изоҳ (0)